नेपाली कांग्रेसका महामन्त्री विश्वप्रकाश शर्मा आज धादिङबेशी आउनुहुने भएको छ ।
नेपाल लोकतान्त्रिक यातायात व्यवसायी संघ धादिङ जिल्ला अधिवेशन समन्वय समिति घोषणा सभाको लागि महामन्त्री शर्मा आज सदरमुकाम धादिङबेशी आउन लाग्नुभएको हो ।
आईतबार जिल्ला अधिवेशन समन्वय समितिले पत्रकार सम्मेलन गर्दै प्रथम जिल्ला समिति घोषणा एवं महामन्त्रीको बिशेष सन्देस समारोहबारे जानकारी गराईएको थियो ।
धादिङबेशी स्थित सिटि हलमा हुने समारोहमा नेपाली काँग्रेसका बिभिन्न तहका नेता,कार्यकर्तासँगै यातायात व्यवसायी सहभागी हुने केन्द्रिय सल्लाहाकार एवं धादिङ जिल्ला अधिबेशन समन्वय समितिका संयोजक शरद अधिकारीले पत्रकार सम्मेलनमा जानकारी दिनुभयो ।
बङ्गलादेशमा हुने पाँचदिवसीय पुरूष कबड्डीका लागि नेपाली टोली घोषणा,धादिङका प्रमोद श्रेष्ठ पनि छनौट
फागुन ६ देखि १६ गतेसम्म बङ्गलादेशमा हुने पाँचदिवसीय पुरूष कबड्डीका लागि नेपाली टोली घोषणा भएको छ ।
अखिल नेपाल कबड्डी सङ्घले आईतबार घनश्याम रोकामगरको कप्तानीमा १५ सदस्सीय टोली घोषणा गरेको हो।टोलीमा नेपाल कबड्डी लिग (एनकेएल) मा उत्कृष्ट प्रदर्शन गरेका खेलाडीले स्थान बनाएका छन् । रामुको कप्तानीमा रहेको जनकपुर नाइट्सले घनश्यामको कप्तानीमा रहेको काठमाण्डौ माभरिक्सलाई ४५–४१ ले पराजित गर्दै प्रथम संस्करणको उपाधि जितेको थियो ।टोलीमा जनकपुरबाट अलराउन्डर रामुसँगै सविन बोहजु, नवीन लोहार र मोहम्मद साहिल शेख टोलीमा सेमेटिएका छन् । यस्तै, उपविजेता काठमाण्डौबाट सोहेल इस्लाम, मेघराज गिरि र धादिङका प्रमोद श्रेष्ठ समेटिएका छन् ।
त्यस्तै गणेश पार्की, सुशील चुनारा, सतिशकुमार कुर्मी, सुरज बोहरा, अमित राजभर, रबिन कुवर, भुबन बोहरा र गिरिजा रोकामगर टोलीमा छन् ।टोलीमा पाँच वैकल्पिक खेलाडीलाई पनि राखिएको छ।वैकल्पिकमा साहिलसहित, ईशार खान, जितेन्द्र अबस्थी, सन्देश तामाङ र खगेन्द्र जोशी छन् ।
