धादिङको धार्केमा हात्ती गाडीको ठक्करबाट पैदल यात्री गम्भीर घाइते
धुनिवेशी नगरपालिका–५ फुलौरे स्थित धार्के–सितापाइला सडकखण्डमा सवारी दुर्घटना हुँदा एक पैदल यात्री गम्भीर घाइते भएका छन्।
मंगलबार दिउँसो करिब १:३० बजे काठमाण्डौबाट धार्केतर्फ गइरहेको बा.प्र.०१-०२५ च ९४८९ नम्बरको हात्ती गाडीले धार्के नजिक पैदल हिँडिरहेका धुनिवेशी–५ राईगाउँ निवासी करिब ३२–३३ वर्षीय बिक्की तामाङलाई ठक्कर दिएको जिल्ला प्रहरी कार्यालयले जनाएको छ।
प्रहरीका अनुसार तामाङको टाउको र दाहिने कोखामा गम्भीर चोट लागेको छ र उनको अवस्था चिन्ताजनक रहेको छ। हात्ती गाडी र त्यसका चालकलाई प्रहरी चौकी जिवनपुरले नियन्त्रणमा लिएको छ।तत्काल घाइतेलाई उद्धार गरी उपचारको लागि काठमाडौं पठाइएको प्रहरीले जनाइएको छ।
