राष्ट्रिय प्रजातन्त्र दिवस,दिवसको अवसरमा धादिङबेसीमा मैत्रीपूर्ण पुरुष कबड्डी प्रतियोगिता सम्पन्न भएको छ।
धादिङ जिल्ला खेलकुद विकास समितिको आयोजना तथा धादिङ जिल्ला कबड्डी संघको व्यवस्थापनमा प्रजातन्त्र दिवसको अवसरमा आज नीलकण्ठ नगरपालिका र सिद्धलेक गाउँपालिकाबीच मैत्रीपूर्ण पुरुष कबड्डी प्रतियोगिता भएको हो ।
प्रतियोगितामा नीलकण्ठ नगरपालिका बिजयी भएको छ । नीलकण्ठ नगरपालिका–३ धादिङबेसीस्थित कभर्डहलमा भएको खेलमा नीलकण्ठले सिद्धलेकलाई ५५–४० को स्कोरमा पराजित गरेको हो । विजयी भएको नीलकण्ठलाई ट्रफी, मेडल तथा प्रमाणपत्र वितरण गरिएको थियो भने उपबिजेता सिद्धलेकलाईलाई मेडल तथा प्रमाणपत्र प्रदान गरिएको थियो ।
धादिङ जिल्ला खेलकुद विकास समितिका अध्यक्ष प्रताप सिं तामाङको अध्यक्षतामा भएको कार्यक्रममा जिल्ला समन्वय समितिका प्रमुख नवराज अधिकारीको प्रमुख आतिथ्यता तथा नीलकण्ठ नगरपालिकाका उपप्रमुख दिपक विश्वकर्माको विशेष आतिथ्यता रहेको थियो । कार्यक्रममा सहायक प्रमुख जिल्ला अधिकारी मोहन न्यौपाने, नीलकण्ठ वडा नं १४ का वडाध्यक्ष नवराज दुवाडी, एमाले धादिङका उपाध्यक्ष अर्जुन श्रेष्ठ(गोर्खाली), जिल्ला युवा समितिका अध्यक्ष विनोद रिजाल, नेपाल रेडक्रस सोसाइटीका अध्यष दुर्लभ तामाङ,पत्रकार महासंघ धादिङका अध्यक्ष सिताराम अधिकारी लगाएतको आतिथ्यता रहेको थियो ।
कार्यक्रममा प्रमुख अतिथि जिसस प्रमुख अधिकारीले यस्ता प्रतियोगिताले राष्ट्रिय स्तरका खेलाडीहरू उत्पादनमा टेवा पु¥याउने भन्दै खेलकुद क्षेत्रलाई प्राथमिकतामा राख्न आग्रह गर्नुभयो । नगरपालिका उपप्रमुख विश्वकर्माले नीलकण्ठमा खेलकुदलाई प्राथमिकतामा राख्दै बर्सेनि विभिन्न खेलकुद प्रतियोगिता आयोजना गर्दै आएको बताउनुभयो ।
खेलकुदको विकास तथा स्थानीय प्रतिभालाई प्रोत्साहन गर्न मैत्रिपूर्ण प्रतियोगिता आयोजना गरिएको धादिङ जिल्ला खेलकुद विकास समितिका अध्यक्ष तामाङले बताउनुभयो।
मैत्रीपूर्ण कबड्डी प्रतियोगितालाई सभ्य तथा भव्य रुपमा सम्पन्न गर्न सहयोग गर्ने सम्पूर्णमा धन्यवाद ज्ञापन गर्दै अध्यक्ष तामाङले अब आउने दिनहरुमा अझै धेरै प्रतियोगिता निरन्तर आयोजना हुने बताउनुभयो ।
धादिङबेसीमा महिला मानवअधिकार रक्षकहरुका लागि क्षमता विकास सम्बन्धी तालिम सञ्चालन गरिएको छ ।
सहयात्री समाज नेपाल र महिला मानवअधिकार रक्षकहरुको जिल्ला संजालको आयोजनामा धादिङको १३ वटै पालिकाका महिला मानवअधिकार रक्षकहरुका लागि तिन दिने तालिम संचालन गरेको हो ।
तालिममा महिलाहरुको कानुनी अधिकारसंग सम्बन्धित विषयहरु, महिलाको देवानी कानुन, विवाह, सम्बन्ध विच्छेद, अंश,अपराध संहितामा बालविवाह बहुविवाह, जबरजस्ती करणी, मानव वेचविखन, घरेलुहिंसा लगाएतको बारेमा अन्तरक्रिया गरिएको थियो । यसैगरी प्रभावित केन्द्रित प्रणाली, रिफरल पाथवेको बारेमा तालिममा सहजीकरण गरिएको थियो ।
जल्ला अदालतको न्यायधिस मनकुमारी वि.क जिएम, प्रहरी उपरिक्षक दिपेन्द्र शाही, अधिवक्ता तोलाकुमारी पाठक, जिल्ला अस्पताको ओ.सी.एम.सी फोकल पर्सन विद्या वि.क, अधिवक्ता राधिका सापकोटा, मनोविमर्शकर्ता गायत्री खतिवडा लगायतले तालिमको सहजीकरण गर्नु भएको तालिममा १३ पालिका ३२ जना महिला मानवअधिकार रक्षकहरु सहभागी थिए ।
तालिमबाट महिला मानवअधिकार रक्षकहरुले सीप सिकेर महिला अधिकारका रक्षा र सम्वद्र्धन लागि क्रियाशिल हुने, अप्ठेरोमा परेकाहरुलाई सुुझाव र सल्लाह दिने र कानुनी जानकारीले महिलाहरुलाई कानूनी रुपमा समेत सहयोग गर्न सकिने सहभागिहरुले बताएका छन् ।
बागमति प्रदेशको सामाजिक विकास कार्यालय गजुरीले बौद्धिक अपांगता भएका बालबालिकाहरुका लागि खेलकुद र स्टेसनरी सामाग्री वितरण गरेको छ ।
बुधबार ७५ औँ प्रजातन्त्र दिवसको अवसरमा नीलकण्ठ नगरपालिका ३ मा रहेको नमुना वौद्धिक आधारभुत विशेष विद्यालयका बालबालिकाहरुका लागि खेलकुद र स्टेसनरी सामाग्री वितरण गरेका हो । बालबालिकाहरुलाई विद्यालयमा पुुगेर अपांगता भएका बालबालिकाहरुले खेल्न सक्ने बल, चेस, लुँडो, ब्याडमिन्टन लगायतका खेलकुद सामाग्री र कापी, पेन्सील लगायतका स्टेसनरी सामाग्री वितरण गरिएको जिल्ला समन्वय समितिका कार्यालय प्रमुख राम आश्रय यादवले जानकारी दिनुुभयो।
सामाग्री हस्तान्तरण कार्यक्रममा जिल्ला समन्वय समिति प्रमुख नवराज अधिकारी, प्रमुख जिल्ला अधिकारी सुमन घिमिरे, कर्मचारी मिलन केन्द्र अध्यक्ष विष्णु आचार्य, शिक्षा विकास तथा समन्वय इकाइ प्रमुख सुवेदी, नेपाल पत्रकार महासंघका अध्यक्ष सीताराम अधिकारी लगायत उपस्थीति रहेको थियो । सामाग्री हस्तान्तरण संगै अपांगता भएका बालबालिकालाई खिर र खन्य खानेकुरा खुवाइएको थियो ।
२०७४ सालमा स्थापना भएको नमुना वौद्धिक आधारभुत विशेष विद्यालयमा ३१ बालबालिका रहेका छन् ।
धादिङवेशीमा प्रथम नीलकण्ठ मेयर फुटसल कप सुरु भएको छ ।
नीलकण्ठ नगरपालिकाको शिक्षा, युवा तथा खेलकुद शाखाको आयोजनामा आज बुधबारदेखी अन्तरपालिका स्तरीय फुटसल प्रतियोगिता सुरु भएको हो । प्रतियोगिताको नीलकण्ठ नगरपालिकाका नगर प्रमुख एवम नेपाल नगरपालिका संघका अध्यक्ष भिम प्रसाद ढुंगानाले उद्घाटन गर्नुभएको हो ।
उद्घाटनका क्रममा नगर प्रमुख ढुंगानाले नीलकण्ठमा खेलकुद क्षेत्रलाई विशेष प्राथमिकतामा राखेको भन्दै नगरपालिकामा विभिन्न खेलकुद प्रतियोगिता आयोजना गर्दै आएको बताउनुभयो । उहाँले यस वर्षबाट सुरु गरिएको मेयर कपलाई निरन्तरता दिइने प्रतिबद्धता व्यक्त गर्नुभयो ।धादिङवेशीस्थित धादिङ फुटसल एकेडेमीमा सुरु भएको प्रतियोगितामा १८ टिम सहभागी छन् ।
प्रतियोगितामा प्रथम हुनेले नगद १ लाख १ हजार १११, द्धितिय हुनेले ५१ हजार १११, तृतिय हुनेले २५ हजार र सान्त्वना हुनेले २० हजार रुपियाँ सहित ट्रफी, मेडल र प्रमाणपत्र पाउनेछन् ।
यस्तै उत्कृष्ट खेलाडी, उत्कृष्ट गोलकर्ता, उत्कृष्ट गोलरक्षक र उत्कृष्ट डिफेन्डरले ६–६ हजार पुरस्कार पाउने आयोजकले जनाएको छ । प्रतियोगितामा जनप्रतिनिधि, कर्मचारी र स्थायी शिक्षकले मात्रै सहभागी हुन पाउँछन् ।नीलकण्ठ नगरपालिकाले गत वर्ष पनि यस्तै अन्तरपालिका स्तरीय (जनप्रतिनिधि, कर्मचारी र स्थायी शिक्षकले मात्रै भाग लिन पाउने) फुटसल प्रतियोगिताको आयोजना गरेको थियो ।
यस वर्ष भने प्रथम नीलकण्ठ मेयर फुटसल कपको नाम दिएर प्रतियोगिता आयोजना गरेको हो । प्रतियोगिता फागुन १० गतेसम्म सञ्चालन हुने छ ।
