धादिङबेसीमा नेपाल भाषा प्रवर्द्धन कार्यक्रम सम्पन्न भएको छ ।
शनिबार धादिङबेसीमा एक कार्यक्रमको आयोजना गर्दै भाषिक जागरण अभिमुखीकरण तथा अन्तरक्रिया कार्यक्रम सम्पन्न भएको हो । नेपाल भाषा एकेडेमी र बागमती प्रदेश सरकार, संस्कृति तथा पर्यटन मन्त्रालय काठमांडौको आयोजनामा सम्पन्न भएको कार्यक्रमको स्थानीय आयोजकभने झींगु नेवा समाज धादिङ रहेको थियो ।
कार्यक्रममा नोपाल भाषालाई कसरी संरक्षण गर्ने, प्रदेश सरकारले नेपाल भाषालाई सरकारी कामकाजको भाषको रुपमा स्थापित गरिसक्दा पनि किन पुर्ण रुपमा कार्यन्वयन गर्न सकिएन र आफुनो भावी सन्ततीलाई कसरी नेपाल भाषा सिकाउन सकिन्छ भन्नेबारेमा अन्तरक्रिया गरिएको थियो ।
कार्यक्रमका वक्ताहरुले नेपाल भाषा पहिला आफुहरुले राम्ररी सिकेर मात्र अरुलाई सिकाउन सहज हुने बताउदै नेपाल भाषा सिक्नका लागि विशेष पहल गर्नु पर्ने बताएका थिए । साथै विद्यालयहरुमा पनि आधारभुत तह सम्मका विद्यार्थीहरुलाई जसरी अन्य भाषाको पाठ्यक्रम रहेको छ त्यसरी नै नेपाल भाषाको पाठ्यक्रम पनि निर्माण गर्न जरुरी रहेको औल्याएका थिए ।
नेपाल भाषा एकेडेमीका अध्यक्ष शाक्य सुरनको अध्यक्षतामा सम्पन्न भएको कार्यक्रममा नेपालको लागि निवर्तमान चिँनिया राजदुत विष्णु पुकार श्रेष्ठको प्रमुख आतिथ्यता रहेको थियो । त्यसैगरि नीलकण्ठ बहुमुखी क्याम्पसका पुर्व क्याम्पस चिफहरु शम्भु कुमार श्रेष्ठ, भुपेन्द्र कुमार श्रेष्ठ र ईश्वर कुमार श्रेष्ठ, नीलकण्ठ नगरपालिकाको नगर प्रवक्ता एवम् वडा नम्बर ८ का वडा अध्यक्ष प्रकाश कुमार श्रेष्ठ र झींगु नेवा समाज धादिङका अध्यक्ष राजकुमार श्रेष्ठ लगायत विभिन्न विशिष्ट व्यक्तित्वहरुको आतिथ्यता रहेको थियो ।
