धादिङ — नेपाल पत्रकार महासंघ धादिङको आयोजनामा बागमती प्रदेशका आन्तरिक मामिला तथा कानून मन्त्री शिवराज अधिकारीलाई सम्मान गरिएको छ।
कार्यक्रमलाई सम्बोधन गर्दै मन्त्री अधिकारीले पत्रकारिता राज्यको ऐना भएको बताउँदै समाजका विभिन्न पक्ष उजागर गर्ने पत्रकारहरूको भूमिका महत्त्वपूर्ण हुने बताए। उनले भने, “पत्रकारिता राज्यको ऐना हो, जसले सरकारको कमजोरीदेखि जनताको आवाजसम्म प्रतिबिम्बित गर्छ।”
उनले सञ्चारमाध्यम र पत्रकारलाई राज्य र समाजबीचको पुलको रूपमा चित्रण गर्दै जिम्मेवार पत्रकारिताले मात्र सुशासन र विकासलाई सघाउन सक्ने उल्लेख गरे।
