धादिङबेसी — नेपाली कांग्रेसका संस्थापक नेता तथा पूर्व प्रधानमन्त्री विश्वेश्वरप्रसाद कोइरालाको स्मृतिमा धादिङबेसीस्थित क्याम्पस चोकमा पूर्णकदको शालिक अनावरण गरिएको छ ।
विपी स्मृति दिवसको अवसरमा सोमबार आयोजित कार्यक्रममा नेपाली कांग्रेसका उपसभापति एवम् पूर्व उपप्रधान मन्त्री पूर्ण बहादुर खड्काले शालिक अनावरण गर्नुभयो ।
शालिक अनावरणपछि सम्बोधन गर्दै उपसभापति खड्काले लोकतन्त्रका प्रणेता विपी कोइरालाले देखाएको बाटो समातेरै देशको आर्थिक उन्नति र सामाजिक रूपान्तरण सम्भव हुने बताउनुभयो । उहाँले विगतका कमजोरी सुधार्दै नयाँ संकल्पसहित विकासतर्फ अघि बढ्न सबै दल र नागरिक एकजुट हुनुपर्नेमा जोड दिनुभयो ।
सो अवसरमा कांग्रेसका नेताहरू, स्थानीय जनप्रतिनिधि, विभिन्न संघ–संस्थाका पदाधिकारी र सर्वसाधारणको उल्लेख्य उपस्थिती रहेको थियो ।
