धादिङको थाक्रे गाउँपालिका-१ खेस्टेमा बस दुर्घटना हुँदा तीन जना घाइते भएका छन् ।
काठमाण्डौबाट धादिङ आउँदै गरेको बा ४ ख ५५१५ नम्बरको बस अनियन्त्रित सडकमा पल्टिएको जिल्ला प्रहरी कार्यालय धादिङका प्रहरी नायव उपरिक्षक सुवास हमालले जानकारी दिनुभयो।
दुर्घटनामा धादिङको गल्छी गाउँपालिका-०२ का ३२ वर्षीय मन माया मगर, गजुरी गाउँपालिका-०१ का ६० वर्षीय खड्क कुमारी सुबेदी र गल्छी गाउँपालिका-०७ का २७ वर्षीय सपना खड्का रहेको प्रहरी नायव उपरिक्षक हमालले बताउनुभयो।
घाईतेहरुको अवस्था सामान्य रहेको छ।बसका चालक निलकण्ठ नगरपालिका-०७ पिपलछापका ३० वर्षीय तुल बहादुर थापालाई नियन्त्रणमा लिईएको प्रहरीले जनाएको छ।
नीलकण्ठ नगरपालिका ३ धादिङबेशीमा तेक्वान्दो खेलाडीको बेल्ट ग्रेडिङ सम्पन्न भएको छ। फ्युबा फिट्नेस तेक्वान्दो डोजाङका खेलाडीहरुलाई प्रथम डानको ब्याल्क बेल्ट वितरण गरिएको छ ।
शनिबार एक कार्यक्रमका बिच ८ जना खेलाडीलाई बेल्ट र प्रमाणपत्र वितरण गरिएको हो । ब्याल्क बेल्ट पाउने खेलाडीहरुमा सुजन सिंं ठकुरी, सन्देश तामाङ, इशाक तामाङ, सुजन घले, मर्कुश तामाङ, संगम कँडेल, कुशल श्रेष्ठ र बिबेक खकुराल रहेको डोजाङ प्रमुख एवम प्रशिक्षक मरियम फ्युवाले जानकारी दिनुभयो ।
खेलाडीहरुलाई कार्यक्रमका प्रमुख अतिथि जिल्ला खेलकुद विकास समितिका अध्यक्ष प्रताप सिं तामाङ, राष्ट्रिय तेक्वान्दो संघका अध्यक्ष गणेशकुमार श्रेष्ठ,कबड्डी संघ धादिङका सचिव महेन्द्र ढुंगाना लगाएतले बेल्ट तथा प्रमाणपत्र प्रदान गर्नुभएको थियो । कार्यक्रममा प्रमुख अतिथि तामाङले खेलकुद क्षेत्रलाई सबैले प्राथमिकता राख्नु पर्ने बताउनुभयो ।
तीन तहको सरकारले खेलकुद क्षेत्रलाई प्राथमिकतामा राखे मात्र यस क्षेत्रको विकास हुने उहाँको भनाइ थियो।
